 |
Ang Pagkamatay ng Ina
Si Florante ay namalagi sa Antenas sa loob ng isang taon upang hintayin ang kapasyahan ng ama niyang butihin. Ipinagpatuloy niya ang kanyang pag-aaral at lalo pa siyang umani ng ibayong papuri’t pagkilala. Hanggang sa isang araw siya ay naka tanggap ng isang sulat galing sa kanyang Ama. Isang sulat na inakala niyang makapagdudulot sa kanya ng ligaya ngunit kabaliktaran ang hatin na may dala dalang lason. At walang humpay na dumadaloy ang luha sa mga mata ni Florante. Ikinalulungkot niyang muling mabuksan ang malungkot na bahagi ng kanyang buhay. Ang malungkot na bahaging iyon ng kanyang buhay ang halos nagpagunaw sa kanyang mundo. May dalawang oras siyang pinanawan ng ulirat, at nang mahimasmasan sa kalinga ng kanyang butihing guro’t kaibigan ay muling nag-ibayo ang sakit na naramdaman. Para kay Florante walang kasing-sakit ang maulila ng ka-isa isang ina.
Rating:  [5 of 5 Stars!] |
|
|
